शिवम् सिमेन्ट आईपीओ जारी गर्ने नेपालकै पहिलो सिमेन्ट उद्योग - www.ratopati.com
21 Jul 2018

शिवम् सिमेन्ट आईपीओ जारी गर्ने नेपालकै पहिलो सिमेन्ट उद्योग - www.ratopati.com

Link = www.ratopati.com

 
 
 
 
 

शिवम्ले स्थानीयका लागि दुई प्रतिशत तथा सर्वसाधारणका लागि दश प्रतिशत गरी जारी पुँजीको १२ प्रतिशत आईपीओको अनुमति पाएको हो । यसअनुसार आठ लाख ८० हजार कित्ता स्थानीयका लागि र ४४ लाख कित्ता सर्वसाधारणका लागि प्राथमिक सेयर जारी हुनेछ ।

शिवम्ले आईपीओ जारी गर्दैगर्दा उसको वित्तीय अवस्था सबल रहेको पुष्टि गर्छ । कम्पनीको वित्तीय अवस्था र आगामी दिनमा आर्जन गर्ने प्रतिफललाई हेर्ने हो भने पनि लगानीकर्ताको लागि यो उपयुक्त थलो देखिन्छ ।  

लगानीमा ठूलो रकम खर्चेको कम्पनीले आईपीओ मार्फत आफूलाई अझै मजबुद बनाउने विश्वास गर्न सकिन्छ । आफ्नो वित्तीय अवस्थालाई मजबुत बनाउँदै लगेको शिवम् सिमेन्टमा लगानी गर्ने लगानीकर्ताले प्रतिफलबाट नाफा लिन सक्नेछन् र यसको सेयर मूल्यबाट पनि प्रशस्त नाफा कमाउन सक्ने ठाउँ देखिन्छ ।

शिवम्ले अन्तर्राष्ट्रिय क्रेडिट दर्जा एजेन्सी (इक्रा)बाट मजबुत आईपीओ रेटिङ ‘३ प्लस’ पनि प्राप्त गरिसकेको छ । ‘गुणस्तरको पहिचान हो शिवम् सिमेन्ट’ र ‘गुणस्तरमा कहिल्यै सम्झौता नगरौँ’ भन्ने नारामा अडिग रहँदै आएको कम्पनीले आफ्ना उत्पादनलाई देशमा मात्र नभई भारतमा पनि बिक्री वितरण गर्न सक्ने क्षमता वृद्धि गरेको छ ।

कम्पनी
२०६० सालमा प्राइभेट कम्पनीको रूपमा हेटौँडामा स्थापना भएको शिवम् सिमेन्ट २०६७ पछि भने व्यावसायिक उत्पादनमा सक्रिय बनेको हो । उत्पादनको सुरुवातमा प्रतिदिन ७ सय टन सिमेन्ट र १२ सय  टन क्लिङ्कर उत्पादन गरेको उद्योग २०७२ सालमा आएर पब्लिक कम्पनीमा परिणत भयो । 

०७२–७३ मा आएर शिवम्ले २३ सय टन सिमेन्ट उत्पादन गर्न थाल्यो र हाल आएर प्रतिदिन तीन हजार टन सिमेन्ट र १९ सय टन क्लिङ्कर उत्पादन गर्ने क्षमता वृद्धि गरेको छ । शिवम् सिमेन्टमा ६ वटा कम्पनीहरु लक्की ग्रुप, सारदा ग्रुप, जेबी मारु ग्रुप, एचआर गोयल ग्रुप, देवेनरा ग्रुप र भिमसरिया ग्रुपको संयुक्त लगानी छ । 

सञ्चालक समितिका अध्यक्ष सुरेन्द्रकुमार गोयल छन् भने बोर्ड अफ डाइरेक्टरहरूमा रोहित गुप्ता, सन्दीपकुमार सारदा, अमित मोर र रघुनन्दन मारु छन् । भारतीय गुणस्तर चिन्ह बीआईएस प्रमाणपत्र प्राप्त गर्न सफल सिमेन्ट हो शिवम् सिमेन्ट ।

साथै नेपालमै उत्कृष्ट सिमेन्टको प्रमाणपत्र (आईएसओ) पनि प्राप्त गर्न सफल भएको छ । भारतीय गुणस्तर चिन्ह बीआईएस प्रमाणपत्र प्राप्त गरेपश्चात यो कम्पनीले आफ्नो उत्पादन विदेश निर्यात गर्न पनि सक्षम भएको हो । शिवम्ले भारत निर्यात गर्न योग्य सिमेन्ट उद्योगका रूपमा आफूलाई स्थापित गरिसकेको छ । 

 

होङ्सी शिवम् सिमेन्टमा लगानी

चाइनाको प्रख्यात सिमेन्ट उत्पादक कम्पनी होङ्सीलाई नेपालमा भित्र्याउन सफल शिवम् सिमेन्टले आफ्नो २६ दशमलव ४ प्रतिशत अर्थात ३ अर्ब ३६ करोड सेयर होङ्सीमा लगानी गरेको छ । नवलपरासीमा सञ्चालित होङ्सीमा अन्य सहायक कम्पनीमार्फत शिवम्ले संयुक्त लगानी गरेको हो ।

होङ्सीले प्रतिदिन ६ हजार टन सिमेन्ट उत्पादनको क्षमता राख्छ । ठूलो लगानीमा सञ्चालित होङ्सीको प्रतिफल आउन भने ३–४ वर्ष अझै लाग्नेछ । शिवम्को होङ्सीमा ठूलो लगानी रहेकाले भविष्यमा कम्पनीको नाफा वृद्धि राम्रो हुने सङ्केत देखिन्छ । त्यसैगरी सहायक लगानीलाई पनि कम्पनीले बढावा दिएको देखिन्छ । 

कम्पनीको वित्तीय अवस्था

कम्पनी स्थापनाकालदेखि हालसम्मको वित्तीय अवस्थालाई हेर्दा हाल कम्पनी आर्थिक रूपमा सबल देखिएको छ । हाल कम्पनीको सेयर पुँजी ३८७.२० करोड अर्थात ३ अर्ब ८७ करोड रहेको छ । आईपीओ जारी गरेपछिको कम्पनीको पुँजी ४ अर्ब ४० करोड पुग्नेछ ।

चैत मसान्तसम्म कम्पनीको जगेडा कोष २१६.४८ करोड अर्थात् २ अर्ब १६ करोड ४८ लाख रहेको छ । आईपीओपछि यसमा १ अर्ब ४९ करोड रुपियाँ थपिई ३ अर्ब ६५ करोड ४८ लाखको जगेडा कोष खडा हुनेछ । यसले कम्नीलाई मजबुत बनाउनेछ ।

आर्थिक वर्ष २०७१–७२ मा ३८७.३२ करोर अर्थात ३ अर्ब ८७ करोड रुपियाँको उत्पादन बिक्री गरेको शिवम्ले चालु आर्थिक वर्षको चैतसम्म यो बढेर ७१०.९४ करोड अर्थात ७ अर्ब १० करोडभन्दा माथि पुगेको छ । तेस्रो त्रैमासको वित्तीय रिपोर्टलाई हेर्दा यो आर्थिक वर्षको अन्त्यसम्ममा उत्पादन बिक्री बढेर १० अर्ब रुपियाँ पुग्ने देखिन्छ । 

त्यसैगरी ७१–७२ मा ४१ करोड ५३ लाख रुपियाँ खुद नाफा आर्जन गरेको कम्पनीले यो आव २०७४–७५ को चैतसम्म ९३ करोड ६७ लाख रुपियाँ खुद नाफा पुर्याएको छ । यो वृद्धिले शिवम्को नाफामा उल्लेख्य सुधार देखिन्छ ।

यो आर्थिक वर्षको अन्त्यसम्म  कम्पनीको खुद नाफामा पनि उल्लेख्य वृद्धि हुने देखिन्छ । प्रतिसेयर नेटवर्थको अवस्थालाई हेर्दा चैत मसान्तसम्म १ सय ५५ रुपियाँ ९१ पैसा छ । आईपीओको प्रिमियम थपिएपछि यो पनि बढ्नेछ ।

विगत तीन आर्थिक वर्षमा बर्सेनि उसले १० दशमलव ५३ प्रतिशतले नगद लाभांश दिँदै आएको छ । शिवम् सिमेन्टको आर्थिक वर्ष ७२–७३ मा वार्षिक प्रतिसेयर आम्दानी ३८ रुपियाँ ८९ पैसा रहेको थियो ०७४–७५ को तेस्रो त्रैमाससम्म आउँदा ३२ रुपियाँ २५ पैसामा रहेको छ । पुँजी बढ्दा सेयर आम्दानी घट्ने गर्दछ ।

साथै शिवम् सिमेन्टले होङशी शिवम् सिमेन्ट उद्योगमा ठुलो लगानी गरेको देखिएकोले भविष्यमा उक्त होङशी शिवम् सिमेन्ट उद्योगबाट समेत लाभाँसको रुपमा थप राम्रो आम्दानी प्राप्त हुन सक्ने सम्भावना देखिएको छ ।

 

शेयर बजारमा शिवम् सिमेन्ट, प्रिमियम मूल्यमा आईपीओ जारी गर्ने - www.lokaantar.com
19 Jul 2018

शेयर बजारमा शिवम् सिमेन्ट, प्रिमियम मूल्यमा आईपीओ जारी गर्ने - www.lokaantar.com

Link = www.lokaantar.com

 

शेयर बजारमा शिवम् सिमेन्ट, प्रिमियम मूल्यमा आईपीओ जारी गर्ने

 
 
 
 
 

साउन २, २०७५

काठमाडौं – वित्तीय क्षेत्रकोे दबदबा रहेको नेपाली शेयर बजारमा नेपाली शिवम् सिमेन्ट लिमिटेडले इतिहासमै पहिलोपटक प्रिमियम मूल्यमा प्राथमिक शेयर (आईपीओ) जारी गर्ने तयारी गरेको छ ।

वास्तविक क्षेत्रका कम्पनीहरूमध्ये वित्तीय अवस्था राम्रो अवस्थामा रहेको यस कम्पनीले जारी गर्ने शेयरले लगानीकर्ताले फाइदा लिनेछन् ।

नेपाल स्टक एक्सचेन्ज (नेप्से)मा सूचीकिृत २०८ कम्पनीमध्ये करीब २० प्रतिशत वास्तविक क्षेत्रका छन् । नेपाल धितोपत्र बोर्डले जारी गरेको दर्ता तथा निष्कासन नियमावली- २०७३ मा १० प्रतिशत सार्वजनिक निष्काशन ग्यारेन्टी गरे प्रिमियम मूल्यमा शेयर जारी गर्न पाउने व्यवस्था गरेपछि वास्तविक क्षेत्रका कम्पनीहरू नेप्सेमा सूचीकृत हुने क्रम बढेको छ ।

शिवम् सिमेन्टले प्रिमियमसहित कुल २ अर्ब २ करोड ४० लाख रुपैयाँ बराबरको आईपीओ जारी गर्न लागेको हो । जसमध्ये सर्वसाधारणलाई १ अब ७६ करोड तथा परियोजना प्रभावित स्थानीयलाई २६ करोड ४० लाख रुपैयाँको आईपीओ बिक्री गरिने छ ।

कम्पनीका अनुसार कुल निष्कासनको २ प्रतिशत शेयर (८ लाख ८० हजार कित्ता) मकवानपुर जिल्लावासीका लागि जारी हुन लागेको हो । परियोजना प्रभावित क्षेत्र भएकाले मकवानपुरबासीका लागि प्रतिकित्ता शेयर मूल्य ३ सय रुपैयाँ रहनेछ ।

यस्तै १० प्रतिशत शेयर (४४ लाख कित्ता) शेयर सर्वसाधारणका लागि ४ सय रुपैयाँमा जारी गर्ने कम्पनीले जनाएको छ ।

कम्पनीको अवस्था

क्रेडिट रेटिङ गर्ने संस्था इक्रा नेपालले शिवम् सिमेन्टको शेयरलाइ क्रेडिट रेटिङ ग्रेड ‘थ्री प्लस’ प्रदान गरेको छ । इक्राले बर्गिकरण गर्ने ग्रेड १ देखि ५ सम्म रहन्छ ।

जसमध्ये ‘वान प्लस’ सबैभन्दा उत्कृष्ट मानिन्छ भने, क्रमशः वान, टु प्लस, टु, थ्री प्लस भएर फाइभ सबैभन्दा कमजोर मानिन्छ । कम्पनीले सार्वजनिक गरेको पछिल्ला ४ वर्षको वित्तीय विवरणअनुसार वित्तीय अवस्था सुधारको दिशामा रहेको देखिएको छ ।

चुक्ता पूँजीमा बढोत्तरी

कम्पनीको वित्तीय विवरणअनुसार आर्थिक वर्ष २०७१/०७२ मा १ अब २५ करोडको चुक्ता पुँजी रहेकोमा २०७३/०७४ मा चुक्ता पुँजी दोब्बरले बढ्दै २ अर्ब ५० करोड पुगेको देखिन्छ ।

कम्पनीले चालू आवको तेस्रो त्रैमाससम्म चुक्ता पुँजी ३ अब ८७ करोड रुपैयाँ पुर्‍याएको छ ।

कम्पनीको खुद मुनाफा पनि बढ्दो दरमा रहेको देखिन्छ । कम्पनीले आव २०७१/०७२ मा ४१ करोड नाफा गरेकोमा पछिल्ला २ वर्षमा बढेर ७७ करोड तथा ८१ करोड मुनाफा गर्न सफल भएको देखिन्छ । चालू आर्थिक वर्ष २०७४/७५ को चैतसम्ममा कम्पनीले ९३ करोड ६६ लाख रुपैयाँ नाफा गरेका देखिन्छ ।

बढ्दो बिक्री

कम्पनीको बिक्री पनि प्रत्येक वर्ष बढ्दो क्रममा देखिन्छ । आर्थिक वर्ष २०७१/०७२ मा ३ अब ८७ करोड ३२ लाख रहेकोमा त्यसपछिको आर्थिक वर्ष २०७२/०७३ मा ५ अर्ब ८७ करोड ८९ लाख बरारबर बिक्री भएको देखिन्छ ।

गत आर्थिक वर्ष २०७३/०७४ मा ७ अब ३५ करोड ३७ लाख बराबर बिक्री वितरण भएको थियो । चालू आवको तेस्रो त्रैमासिकसम्ममा कुल बिक्री ७ अर्ब १० करोड ९४ लाख रहेको छ ।

प्रतिशेयर मूल्य

चुक्ता पुँजीको वृद्धिको अनुपातमा कम्पनीले नाफा अनुपातमा आम्दानीको वृद्धिले प्रतिशेयर आम्दानी सन्तुलित देखिएको छ ।

आर्थिक वर्ष २०७१/०७२ मा ३३ दशमलव २३ रुपैयाँ प्रतिशेयर आम्दानी रहेको थियो । त्यस्तै आव २०७२/०७३ मा कम्पनीले प्रति शेयर आम्दानी १७ प्रतिशतले बढाएर ३८ दशमलव ८९ रुपैयाँ पुर्‍याएको देखिन्छ । तर, आर्थिक वर्षमा २०७३/०७४ मा १७ प्रतिशतले घटेर ३२ दशमलव ४५ रुपैयाँमा झरेको छ ।

चालू आव २०७४/०७५ को चैतसम्ममा प्रतिशेयर आम्दानी २४ दशमलव १९ रुपैयाँ रहेको छ । यसलाई १२ महिनामा विश्लेषण गर्दा चालू आथिक वर्षको प्रतिशेयर आम्दानी ३२ दशमलव २५ रहने देखिएको छ ।

यसरी कम्पनीको वित्तीय अवस्था विश्लेषण गर्दा कम्पनीको चुक्ता पुँजी बढेको अनुपातमा नाफा वृद्धि नहुँदा प्रतिशेयर आम्दानी कहिले बढने, कहिले घटने त कहिले स्थिर रहेको देखिए पनि सन्तुलित छ ।

यसै अवधिमा कम्पनीले आफ्नो थप चुक्ता पुँजी र जगेडामध्येबाटै सहायक कम्पनी शिवम् होल्डिङ प्राइभेट लिमिटेडमार्फत् चिनियाँ संयुक्त उद्यम (ज्वाइन्ट भेन्चर) होंडसीमा ठूला रकम ३ अर्ब ३६ करोड लगानी गरेको र सोको प्रतिफल यसै वर्ष प्राप्त नहुने हुँंदा उतारचढाव देखिएको छ ।

जगेडा कोष

कम्पनीको जगेडा कोष पनि बढ्दो क्रममा देखिन्छ । कम्पनीले आव २०७१/०७२ २४ करोड ४५ लाख जगेडा कोष थियो । त्यसपछि आर्थिक वर्ष २०७२/०७३ मा ८९ करोड ६ लाख रुपैया जगेडा राख्न सफल भएको थियो ।

त्यस्तै गत आर्थिक वर्ष २०७३/०७४ मा १ अब ४९ करोड १४ लाख रुपैयाँ जगेडा राखेको कम्पनीको वित्तीय विवरणमा देखिन्छ ।

चालू आर्थिक वर्ष ०७४/०७५ को चैत महिनासम्ममा २ अब १६ करोड रुपैयाँको जगेडा सञ्चित छ ।

कम्पनीबारे

२०६० सालमा स्थापना भएको शिवम् सिमेन्ट गुणस्तरीय सिमेन्ट तथा क्लिंकर उत्पादन र बिक्रीमा अब्बल कम्पनी मानिन्छ ।

व्यवसायिक घरानाका २० जना उद्योगीहरू प्रवर्द्धक (प्रोमोटोर) रहेको कम्पनीको कारखाना मकवानपुर जिल्लाको हेटौंडा उपमहानगरपालिका हटियामा छ । कम्पनीसँग हाल दैनिक १९ सय टन क्लिंकर र ३ हजार टन सिमेन्ट ग्राइन्डिङ (उत्पादन) गर्न सक्न क्षमता रहेको छ ।

चार अर्ब लगानीमा सात वर्ष अघि स्थापना भएको शिवम्ले ‘शिवम् सिमेन्ट’ ब्राण्डमा ओर्डिनरी पोर्टल्यान्ड सिमेन्ट (ओपीसी) ४३ ग्रेड सिमेन्ट उत्पादन तथा बिक्री गर्दै आएको छ ।

१३ जेठ २०६२ मा प्राइभेट कम्पनीको रुपमा स्थापना भएको शिवम् सिमेन्ट ८ साउन २०७२ मा पब्लिक लिमिटेडमा रुपान्तरित भएको हो ।

शिवम् होल्डिङ प्राइभेट लिमिटेड र चीनको होङसी होल्डिङ समूहले नवलपरासीको सर्दीमा स्थापना गन लागेको होङसी शिवम् सिमेन्ट प्रालिमा शिवम् सिमेन्टको सहायक कम्पनी शिवम् होल्डिङ प्राइभेट लिमिटेडमार्फत नेपाली समूहको ३० प्रतिशत र होङसी होल्डिङ चिनियाँ समूहका ७० प्रतिशत लगानी रहेको छ । 

पूँजी, मानव संसाधन, उत्पादन प्रक्रियाहरू, भौतिक संरचनालगायतमा लगानी गरेको कम्पनी सिमेन्ट निर्माण गर्ने नेपालको सबैभन्दा ठूलोमध्येको एक मानिन्छ ।

कम्पनीको सञ्चालक समितिको अध्यक्षमा सुरेन्द्रकुमार गोयल रहेका छन् भने अन्य सञ्चालकहरूमा अमित मोर, सन्दीप कुमार शारदा, रघु नन्दन मारु र रोहित गुप्ता रहेका छन् ।

शिवम् सिमेन्ट्सको आईपीओ साउन १३ देखि, १० हजार कित्तासम्म आवेदन दिन पाइने - www.bikashnews.com
18 Jul 2018

शिवम् सिमेन्ट्सको आईपीओ साउन १३ देखि, १० हजार कित्तासम्म आवेदन दिन पाइने - www.bikashnews.com

Link = www.bikashnews.com

 

शिवम् सिमेन्ट्सको आईपीओ साउन १३ देखि, १० हजार कित्तासम्म आवेदन दिन पाइने

२०७५ साउन ३ गते ९:०६विकासन्युज
 
 
 224
 
 
 

काठमाडौं । निजी लगानीमा सञ्चालित शिवम् सिमेन्ट् लिमिटेडले साउन १३ गतेखदेखि साधारण सेयर (आईपीओ) निष्कासन गर्ने भएको छ ।
कम्पनीले पहिलो चरणमा उद्योग प्रभावित मकवानपुरका स्थानीयबासिन्दालाई ८ लाख ८० हजार कित्ता आईपीओ निष्कासन गर्न लागेको हो ।

स्थानीयबासिन्दालाई प्रतिकित्ता २०० रुपैयाँ प्रिमियम थप गरी ३०० रुपैयाँमा आईपीओ निष्कासन गर्ने भएको छ । आईपीओ निष्कासनबाट उद्योगले २६ करोड ४० लाख रुपैयाँ संकलन गर्नेछ । आईपीओ निष्कासन साउन १३ गतेदेखि सुरु भई भदौ ११ गतेसम्म तोकिएको निष्कासन तथा बिक्री प्रवन्धक सिद्धार्थ क्यापिटल लिमिटेडले जनाएको छ ।

न्युनतम १० कित्ता र अधिकतम १० हजार कित्ताका लागि आवेदन दिन पाइने छ । स्थानीयबासिन्दालाई बाँडफाँड गरेको ३ दिनभित्र उद्योगले सर्वसाधारणलाई प्रतिकित्ता ३०० रुपैयाँ प्रिमिय थप गरी ४०० रुपैयाँ ४४ लाख कित्ता आईपीओ निष्कासन गर्ने सिद्धार्थले जानकारी दिएको छ । यसबाट १ अर्ब ७६ करोड रुपैयाँ संकलन हुने छ ।

सर्वसाधारण र स्थानीयबासिन्दाबाट गरी २ अर्ब २ करोड ४० लाख रुपैयाँ संकलन हुने छ । आईपीओ बाँडफाँटपछि कम्पनीको चुत्तापुँजी ४ अर्ब ४० करोड रुपैयाँ हुने छ । २ अर्ब २ करोड ४० लाख रुपैयाँको आईपीओ प्रत्याुभूति (अण्डरराइटिङ) एनआईबीएल एस क्यापिटल लिमिटेडले गरेको छ । कम्पनीको आईपीओले ईक्रा एनपी आईपीओ ग्रेड ३ प्लस प्राप्त गरेको छ ।

शिवम् सिमेन्ट्सले अागामी तीन वर्षमा क्रमशः १०, १५ र २० प्रतिशत लाभांश दिन्छ-शतिस कुमार मोर - www.bikashnews.com
18 Jul 2018

शिवम् सिमेन्ट्सले अागामी तीन वर्षमा क्रमशः १०, १५ र २० प्रतिशत लाभांश दिन्छ-शतिस कुमार मोर - www.bikashnews.com

Link =www.bikashnews.com

शिवम् सिमेन्ट्सले अागामी तीन वर्षमा क्रमशः १०, १५ र २० प्रतिशत लाभांश दिन्छ-शतिस कुमार मोर

२०७५ असार २४ गते १०:१८विकासन्युज
 

नेपाली अर्थतन्त्रमा तुलनात्मक रुपमा बढी लाभ दिने उद्योगमा सिमेन्ट उद्योग पर्छ भनेर धेरैले स्वीकार गरेका छन् । र, सिमेन्ट उद्योगमा व्यवसायिक घरानाहरुको लगानी निकै बढेको छ ।  विकासको यस क्रममा शिवम् सिमेन्ट लिमिटेडले प्रिमियम मूल्यमा ५२ लाख ८० हजार कित्ता साधारण सेयर निष्काशन गर्दैछ । सिमेन्ट उद्योगलाई प्रिमियम मूल्यमा साधारण सेयर निष्काशन हुन लागेको यो पहिलो पटक हो । यस कम्पनीको साधारण सेयरमा लगानी गर्न इच्छुक लगानीकर्ताका चासोका प्रश्नहरु हामीले शिवम सिमेन्ट कम्पनीका प्रवद्र्धक लक्की ग्रुप नेपालका अध्यक्ष तथा उद्यमी शतिस कुमार मोरसँग राखेका छौं ।

शतिस कुमार मोरअध्यक्ष–लक्की ग्रुप नेपाल तथा प्रवद्र्धक–शिवम् सिमेन्ट्स लिमिटेड

शिवम् सिमेन्ट्सको उत्पादन र बजार कस्तो छ ?

शिवम् सिमेन्टले हाल ओपीसी सिमेन्ट मात्र उत्पादन गर्दै आएको छ । दैनिक३ हजार मेट्रिक टन सिमेन्ट उत्पादन हुँदैछ । क्लिङकर १९०० टन उत्पादन गर्दै आएका छौं । बजारमा शिवम् सिमेन्ट्सको माग धेरै छ । हामीले माग अनुसार उत्पादन गर्न सकिरहेका छैनौं । शिवम् सिमेन्ट्सको समेत लगानी रहेको होङसी शिवम सिमेन्ट प्रा. लि.को व्यवसायिक उत्पादन समेत शुरु भएको छ । यस कम्पनीको उत्पादन क्षमता सिमेन्ट र क्लिड.कर प्रतिदिन ६ हजार टन हुनेछ ।

कम्पनीको प्रवद्र्धकहरु को को छन् ?

शिवम् सिमेन्ट्समा शुरुमा चार ग्रुपले लगानी गरेका थिए । पछि दुई ग्रुप थपिएको छ । अहिले लक्की ग्रुप, एचआर गोयल ग्रुप, शारदा ग्रुप, देवेनरा ग्रुप, भिमसरिया ग्रुप र जेबी मारु ग्रुप अन्तरगत व्यक्तिगत शेयरधनिहरुको लगानी रहेको छ ।

शिवम् सिमेन्ट्सले होङसी शिवम सिमेन्टमा कुन मोडलमा लगानी गरेको हो ?
शिवम सिमेन्ट्स लिमिटेड अन्तरगत शिवम् होल्डिङ कम्पनी प्रा.लि. छ । त्यसमा शिवम् सिमेन्टको ८८ प्रतिशत लगानी छ । बाँकी १२ प्रति व्यक्तिगत लगानीकर्ता हरु चुनढुँगा खानीसँग सम्बन्धित विज्ञ व्यक्ति समेत हुनुहुन्छ ।
शिवम् होल्डिङ कम्पनीले होङसी शिवम सिमेन्टमा ३० प्रतिशत लगानी गरेको छ । त्यसमा शिवम् सिमेन्ट्सको मात्र २६.४० प्रतिशत लगानी हुन्छ । चैत मसान्तसम्ममा होङसी शिवम सिमेन्टमा होल्डिङ कम्पनी मार्फत ३ अर्ब ३६ करोड रुपैयाँ लगानी भईसकेको छ । भविष्यमा यो लगानी विस्तार पनि हुनसक्ने सम्भावना छ ।

कम्पनीको व्यवस्थापकीय संरचना कस्तो छ ?

शिवम सिमेन्टस् लिमिटेडमा हाल ५ जनाको सञ्चालक समिति छ । सुरेन्द्र कुमार गोयल कार्यकारी अध्यक्ष हुनुहुन्छ । रघुनन्धन मारु, अमित मोर, रोहित गुम्ता र शन्दिप कुमार शारदासञ्चालक हुनुहुन्छ । उहाँ पाँचै जना संचालकहरु विभिन्न उद्योग व्यवसाय क्षेत्रमा सक्रिय रहि लामो अनुभव हासिल गरेका व्यवसायीक व्यक्तिहरु संचालक समितिका हुनुहुन्छ ।

व्यवस्थापन समितिमा सम्बन्धित क्षेत्रको लामो अनुभव भएका र योग्य प्रोफेशनल व्यक्तिहरु हुनुहुन्छ । नवलकिशोर चौधरीले उत्पादनतर्फको नेतृत्व गर्नु भएको छ । त्यस्तै, फाइनान्स, सेल्स एण्ड मार्केटिङ, एचआर, टेक्निकल डिमार्पटमेन्ट, लिगलडिपार्टमेन्ट गरेर विभिन्न डिपार्टमेन्टहरु प्रोफेशनल व्यक्तिहरुले यो कम्पनीको व्यवस्थापन गरेका छन् ।

कम्पनीको वित्तीय अवस्था कस्तो छ ?
कम्पनीले २०६७/६८ मा व्यवसायिक उत्पादन थालेको हो । त्यतिबेला कम्पनी प्रालिमा थियो । २०७२ सालमा आएपछि यो कम्पनी पब्लिक लिमिटेड कम्पनीको रुपमा परिवर्तन भएको हो ।

यस कम्पनीले २०७१/७२ मा ३८७ करोडको सिमेन्टबिक्री गरेको थियो । २०७२/७३मा ५७६ करोडको बिक्री भयो । २०७३/७४ मा ७३६ करोडको बिक्री भयो । २०७४/७५ को चैत मसान्तसम्ममा ७१० करोडको बिक्री भएकोछ । २०७५ असार मसान्तसम्ममा १००० करोड रुपैयाँ भन्दा बढीको शिवम व्राण्डको सिमेन्ट सेल्स गर्ने योजना अनुसार कार्य गरिरहेकाछौं ।

हामीले २०७१/७२ मा ४१ करोड खुद नाफा गरेका थियौं । २०७२/७३मा ७७ करोड नाफा भयो । २०७३/७४ मा ८१ करोड नाफा गर्यौं । २०७४/७५ को चैत मसान्तसम्ममा ९३ करोड खुद नाफा भएको छ । यो नाफा हेटौडामा रहेको शिवम सिमेन्टको उद्योगको प्रतिफल मात्र हो । हामीले ३३६ करोड होङ्सी शिवम सिमेन्ट नवलपरासी रहेको संयुक्त लगानीको उद्योगमा लगानी गरेका छौं । उक्त उद्योगबाट प्राप्त हुने नाफा पछि लाभाँसको रुपमा शिवम् सिमेन्ट्समा नै आउने हो । तसर्थ सबै वित्तिय पक्षको अध्ययन गर्दा कम्पनीको समग्र आर्थिक स्थिती निकै मजवुद रहेको छ ।

शिवम् सिमेन्टको चुक्ता पुँजी कति छ ?

हाल कम्पनीको ३ अर्ब ८७ करोड २० लाख चुक्ता पुँजी छ । आईपीओ निष्काशन पछि ५२ करोड ८० लाख पुँजी थपिन्छ । पब्लिकको पैसा आईसकेपछि चुक्ता पुँजी ४ अर्ब ४० करोड रुपैयाँ हुन्छ ।

संचित कोषमा कति रकम छ ?

२०७४ चैत मसान्तसम्ममा २१६ करोड रिर्जभ छ । आईपिओको प्रिमियमबाट १ अर्ब ३९ करोड ५९ लाख रुपैयाँ प्रिमियम कोषमा थप जम्मा हुन्छ ।

आगामी वर्षमा कम्पनीको आम्दानी कस्तो होला ?

चालु आर्थिक वर्षमा १००८ करोड, २०७५/७६ मा ११०० करोड र २०७६/७७ मा १२६० करोड रुपैयाँ बराबरको सिमेन्ट उत्पादन र विक्री गर्ने योजनाबनाएका छौं ।त्यस्तै, चालु आर्थिक वर्षमा ११४ करोड, २०७५/७६ मा १४३ करोड र २०७६/७७मा १८५ करोडको खुद नाफा हुने अनुमान छ । जुन होङसी शिवम सिमेन्टमा लगानी गरिएको रकमबाट प्राप्त हुने आम्दानी बाहेकको रकम हो । होङ्सी शिवम सिमेन्टमा गरिएको ३३६ करोडको प्रतिफल उत्पादनमुलक उद्योग भएकोले करिव ३ वर्षपछि मात्र मुनाफा आउँछ भन्ने अनुमानका आधारमा हामीले हेटौडा स्थित शिवम सिमेन्ट लि. को उद्योग तर्फको आम्दानी र नाफालाई मात्र प्रक्षेपण गरेका हौं ।

आगामी वर्ष सेल्स वृद्धि भन्दा नाफा वृद्धि दर उच्च हुने अनुमान गर्नुभयो, कसरी ?

उत्पादनमुलक उद्योगमा स्थिर पूँजी तर्फको लगानी कूल लगानीको ठूलो हिस्सा रहने हुंदा आयकर ऐन बमोजिम ह्रासकट्टीको आधारले शुरुका वर्षहरुमा खुद नाफामा असर गर्दछ । यो उद्योगले उत्पादन थालेको ८ वर्ष भयो । यसअवधिमा धेरै ह्रासकट्टी भईसकेको छ । साथै उत्पादन र विक्रीको बृद्धिदर संगै प्रति वोरा उत्पादन लागत खर्च पनि कम पर्ने हुंदा र हरेक वर्ष बैंक कर्जाको रिपेमेण्ट गरिरहेका कारण कर्जाको व्याजभार समेत कम हुन आउने हुंदा हामीले प्रक्षेपण विश्लेषण गरेर नै गरेका छौ ।

सेयर पुँजी वृद्धि कसरी हुन्छ ?

आ. व. २०७१/७२ मा रु. १२५ करोडको शेयर पूंजी बाट बृद्धि गरी हाल यस कम्पनीमा शेयर पूँजीरु. ३८७ करोड छ । यो सर्व साधारणलाई प्रिमियम मूल्यमा शेयर जारी पश्चात कम्पनीको चुक्ता पूँजी रु. ४४० करोड हुनेछ । हामीले संस्थापकहरुले थप लगानी गरेको शेयर रकम र संचित मुनाफा मध्येबाट सहायक कम्पनी शिवम होल्डिँग प्रा. लि. मार्फत होङ्सी शिवम सिमेन्ट प्रा. लि. को उद्योगमा रु. ३३६ करोड लगानी गरिसकेका छौं ।

विगतमा कम्पनीले प्रवद्र्धकलाई लाभांश कति दिएको छ ?

विगत तीन वर्षमा हरेक आ. व. मा १० प्रतिशतका दरले नगद लाभांश वितरण गरेका थियौं । कम्पनीमा लगानी विस्तार हुँदै गएकोले कम लाभांश वितरण गरेका हौं । शुरुमा प्रतिदिन ७०० टन उत्पादन क्षमताको उद्योग लगाएका थियौं । पछि त्यसलाई विस्तार गरेर २३०० टन र हाल प्रतिदिन ३००० टन उत्पादन क्षमता बढाएका छौं । होङसी शिवम सिमेन्टमा भएको लगानी सहितको हिसाव गर्दा यस कम्पनीले चार पटक लगानी विस्तार वृद्धि गरिसकेको छ ।

एकातिर कम्पनीका प्रवद्र्धकले थप लगानी पनि गरेको देखियो अर्कोतिर नगद लाभांश पनि लिएको देखियो । नगदको सट्टा बोनस सेयरबाट पुँजी वृद्धि किन नगरेको ?

लगानीकर्ताले प्रतिफल खोज्नु स्वभाविक कुरा हुन जाने हुंदा हामीले लाभाँस वितरण गर्ने साधारण सभाको निर्णय अनुसार वितरण गरेका थियौं । प्रतिफल प्राप्त हुने कम्पनीमा थप लगानी गर्न उत्साहित हुने र सो वर्षहरुमा कम्पनीले क्षमता बृद्धि गरी थप परियोजनाका लागि आवश्यक रकम माग हुंदा प्रर्वदकहरुले सकारात्मक रुपमा लिई थप शेयर रकम लगानी गर्नु भएको हो । साथै नेपाल धितोपत्र बोर्ड ऐन तथा कम्पनी ऐन २०६३ को प्रावधान बमोजिम प्रिमियम मूल्यमा शेयर निष्काशन गर्न लगातार तीन आर्थिक वर्षसम्म कम्पनी मुनाफामा संचालन भई लाभांश वितरण गरेको, कम्पनीको सम्पूर्ण दायित्व भन्दा खुद सम्पत्ति बढि रहेको सो लगायतका सबै प्रावधान रहेछ । हामीले आफ्नो उद्येश्य अनुसारका काम कारोवार गर्दा गराँउदा सबै व्यवस्था पुरा भएको अवस्थामा आई पुगेका रहेछौं ।

कम्पनीले कति ऋण लिएको छ ? त्यसको वार्षिक व्याज खर्च कति छ ?

करिव ४ अर्ब रुपैयाँ बैंकबाट ऋण लिएका छौं र त्यसको वार्षिक व्याज खर्च करिव ३० करोड रुपैयाँ छ ।


कम्पनीले किन साधारण सेयर निष्काशन गर्न लागेको हो ?

हामीले पहिलेदेखि नै स्थानीयबासीको लागि सेयर निष्काशन गर्ने सोच बनाएका थियौं । पछि सरकारले पनि पब्लिक कम्पनीलाई करमा केही छुट दिने व्यवस्था गर्यो । त्यो स्वागतयोग्य कदम थियो । अहिले सरकारले १ अर्ब रुपैयाँभन्दा बढी पुँजी भएका कम्पनीले सेयर निष्काशन गर्नै पर्ने नीति बजेटमा ल्याएको छ । हामी उद्यमी व्यवसायीहरुले नेपाल सरकारका नीतिलाई सहयोग पुग्ने गरी कार्य गर्नु पर्दछ भन्ने कर्तव्य पनि ठान्दछौं । यस कम्पनीलाइृ प्रर्वदकको मात्रै होइन सबैको आफ्नै कम्पनी हो भन्ने अनुभति दिलाउने उद्येश्यले पनि स्थानीयलाई २ प्रतिशत र सर्बसाधारणको लागि १० प्रतिशत सेयर निष्काशन गर्ने निर्णय गरेका छौं ।स्टक मार्केटमा गएपछि इक्वीटी व्याकअप स्ट्रोङ हुन्छ भन्ने मान्यतामा छौं ।

पब्लिक कम्पनी बनाउनु रहर हो कि वाध्यता ?

वाध्यता थिएन । हामी बजारमा फरक ढंगले अगाडि बढ्न चाहेका छौं । पुँजी बजारमा पहिलो पटक सिमेन्ट उद्योगले सेयर निष्काशन गर्दैछौं । यसले बजारमा नयाँ स्वाद पनि दिन्छ ।साथै, उद्योग प्रभावित क्षेत्र लगायतका सबै सर्व साधारण लगानीकर्ताहरुले पनि उद्योगबाट लाभ लिन सकून भन्ने हाम्रो चाहाना हो ।

प्रिमियम मूल्य किन ? १०० रुपैयाँको सेयर १०० मा नै किन निष्काशन भएन ?

यो कम्पनी २०६० सालमा स्थापना भएको हो । उद्योगले उत्पादन थालेको पनि ८ वर्ष भएको छ । साथै होङसी ग्रुपमा साझेदारी अगाडि बढाएका छौं । कम्पनीराम्रो नाफामा छ । संचित कोषमा नै २१६ करोड रुपैयाँ छ । तीन महिनाको नाफा अझ यसमा हेरेको छैनौं । आज शिवम सिमेन्ट्स नेपालको नम्बर वान ब्राण्ड बनेको छ। कम्पनीको समग्र अवस्थाको अध्ययन निरीक्षण र आर्थिक विश्लेषण गरी इक्रा नेपाल लिमिटेड जस्तो अन्तराष्टिय संस्थाले ग्रेडिँग गरी ३ प्लस ग्रेडको रेटिङ दिएको छ, जुन कम्पनीको आर्थिक लगायतका सबै अवस्था सवल छन भन्ने संकेत पनि हो ।अन्तराष्ट्रिय अभ्यासलाई समेत दृष्टिगत गरी धितोपत्र निष्कासन तथा वाँडफाँड निर्देशिका बमोजिम प्रिमियम मूल्य निर्धारण गर्दा पछिल्लो ३ बर्षको पूंजीकृत भएको आम्दानी, भविष्यमा प्राप्त हुने नगद प्रवाहको वर्तमान मूल्य र अन्तराष्ट्रिय प्रचलनको विधि समेतलाई अवलम्वन गरी प्रिमियम मूल्य निर्धारण भएको हो ।

१०० को सेयरमा ४०० रुपैयाँ लगानी गरेको लगानीकर्तालाई कम्पनीले कस्तो प्रतिफल दिन्छ ?

आर्थिक वर्ष २०७४/७५ को नाफाबाट १० प्रतिशत, २०७५/७६ को नाफाबाट १५ प्रतिशत र २०७६/७७ को नाफाबाट २० प्रतिशत नगद लाभांश दिने योजना बनाएका छौं । कम्पनीको वित्तिय विवरण अनुसार प्रस्ताव गरे भन्दा बढि दरमा मुनाफा वितरण सकिने भएता पनि कम्पनीले अन्य महत्वकाक्षी परियोजनामा लगानी गर्ने दीर्घकालिन सोच रहेकोछ । आ. व. २०७४/७५ भित्र शेयरमा सर्वसाधारणले लगानी नगरेकै अवस्थामा पनि १० प्रतिशत मुनाफा पाउने प्रस्ताव गरेका छौं । आ. व. २०७५/७६ मा १५ प्रतिशत मुनाफा वितरण गर्ने योजनालाई लगानी पश्चातको पहिलो वर्षमा नै २५ प्रतिशत प्रतिफल हुन आउने कुरा विर्सन हुदैन । कम्पनीको संचित कोष र परियोजनाहरु निक्कै नै उपुयक्त रहेकाले अपेक्षाकृत नाफा भविष्यमा प्राप्त हुने कुरामा लगानीकर्ता विश्वस्त हुनेछन भन्ने विश्वास गरेका छौं ।

प्रिमियमबाट उठेको पैसा के गर्नुहुन्छ ?

प्रिमियमबाट उठेको रकम हामीलेहाल कर्जा चुक्त प्रयोग गरी व्याज खर्च घटाउने र निकट भविष्यमा नयाँ प्रोजेक्टमा लगानी गर्ने दीर्घ कालिन योजना र सोच बनाएका छौं । त्यसमा हाम्रो थप प्रोजेक्ट उत्पादन क्षमतामा बृद्धि र उत्पादन विविधकरण गर्ने हो । हामीले लगानी कर्ताको हितलाई ध्यनजर गरेर नै कार्य गर्ने गर्दछौं ।

उत्पादन मुलक क्षेत्रको नियामक निकाय छैन । यस्तो कम्पनीको सुशासन र पारदर्शिता राम्रो हुँदैन भन्ने धारणा सर्वसाधारणमा छन् । यस कम्पनीको सुशासन र पारदर्शिता कसरी कायम हुन्छ ?

विगतआठ वर्षदेखि यो उद्योग चलाएका छौं । यो कम्पनी योग्य, अनुभवि एवं दक्ष प्रोफेशनलहरुले चलाएका छन् । कम्पनीमा पावर डिसेन्ट्रलाईजेशन भएको छ । आयव्यय सबै पारदर्शी छ । ठूला कम्पनीहरुलाई आन्तरिक राजस्व कार्यालयबाट हरेक आर्थिक वर्षको आर्थिक गतिविधिलाई कर परीक्षण गरी फूल अडिट गरेका हुन्छन् । हाम्रो जस्ता उद्योग क्षेत्रको निगमन र अनुगमन गर्ने थुप्रै निकायहरुले प्रभावकारी रुपमा अनुगमन र निगमन गर्ने गरेका हुन्छन जस्तै उद्योग विभाग, खानी तथा भूगर्भ विभाग, नेपाल गुणस्तर तथा नापतौल विभाग, वन तथा वातावरण विभाग, कम्पनी रजिष्ट्रारको कार्यालय, आन्तरिक राजस्व कार्यालय, उपभोक्ता हित तथा संरक्षण विभाग लगायतका निकायहरुको नियमित अनुगमन र निरीक्षणका कारण कम्पनीले सबै ऐन, नियम अनुसार मात्र कार्य गर्ने हुंदा नियामक निकाय छैनन् भन्ने होइन । दोस्रो हामी पव्लिक लिमिटेड कम्पनी भएकाले सबै काम कुराहरु आर्थिक अनुशासनमा रहि पारदर्शी तरिकाले गर्ने गरेका छौं ।

कम्पनीलेआफ्नो वेवसाइटमा जम्मा तीन पेजको आर्थिक प्रतिवेदन सार्वजनिक गरेको छ । यति ठूलो कम्पनीले नेपाल फाइनान्सियल रिपोर्टिङ स्ट्याण्डर्ड (एनएफआरएस) अपनाएको देखिदैन, किन ?

धितोपत्र बोर्डबाट सेयर निष्काशन गर्न अनुमति पाएपछि वित्तीय विवरणहरु सार्वजनिक गरिरहेका छौं । शेयर निष्कासनसम्बन्धि विवरण पत्र सहितका विस्तृत विवरणहरु हामी छिट्टै सार्वजनिक गर्दैछौं । कम्पनीले यस वर्ष देखि नेपाल फाइनान्सियल रिपोर्टिङ स्ट्याण्डर्ड (एनएफआरएस) पद्दति अनुसार वित्तिय विवरण तर्जुमागर्ने योजना गरेका छौं ।

शिवम सिमेन्टले शेयर जारी गर्दै,स्थानीयलाई अवसर- http://ehetaudaonline.com
16 Jul 2018

शिवम सिमेन्टले शेयर जारी गर्दै,स्थानीयलाई अवसर- http://ehetaudaonline.com

Link = www.ehetaudaonline.com

 

शिवम सिमेन्टले शेयर जारी गर्दै,स्थानीयलाई अवसर

 

  २०७५ आषाढ ३२ सोमबार   
मकवानपुर, ३२ असार । २०६० सालमा प्राइभेट कम्पनीको रूपमा मकवानपुरको हटियामा स्थापना भएको शिवम् सिमेन्टले अब कुल निष्काशनको २ प्रतिशतको दरले ८ लाख ८० हजार इकाई शेयर परियोजना प्रभावित स्थानीय मकवानपुर जिल्लाका बासिन्दाका लागि जारी गर्ने भएको छ । प्रभावित ती स्थानीयले ३ सय रुपैयाँ र १० प्रतिशत अर्थात ४४ लाख इकाई शेयर सर्वसाधारणको लागि ४ सय रुपैयाँमा जारी गर्ने भएको हो ।

 

शिवम सिमेन्टले शेयर जारी गर्दै,स्थानीयलाई अवसर

नेपाल धितोपत्र बोर्डको अनुमतिपछि उद्योगले मकवानपुरवासीलाई प्रतिशेयर ३ सयका दरले शेयर जारी गर्न लागेकोमा विशेषगरी स्थानीयलाई प्राथमिकतामा राखिएको छ । आईपीओका लागि प्रिमियम मूल्यसहित सर्वसाधारणले ४ सय रुपैयाँ प्रतिकित्ता तिर्नु पर्नेछ भने स्थानीयबासीले ३ सय रुपैयाँमै पाउने भएका हुन् । यसका लागि डिम्याट खाता अनिवार्य नगरिएको र नागरिता मात्र अनिवार्य भएकोले थप सहज हुनुको साथै स्थानीहरुको पहुच पुग्ने देखिन्छ । 

कम्पनीको विगतदेखि वर्तमानसम्म बित्तीय अवस्था हेर्दा निकै सवल हुँदै अघि बढेको देखिन्छ । २०६७ पछि व्यावसायिक उत्पादनमा सक्रिय भएको शिवमको सुरुवातमा प्रतिदिन ७ सय टन सिमेन्ट र १२ सय  टन क्लिङ्कर उत्पादन गर्दैआएको थियो । उद्योग २०७२ सालमा आएर पब्लिक कम्पनीमा परिणत भएको थियो । 

त्यसपछि ०७२÷७३ मा आएर शिवमले २३ सय टन सिमेन्ट उत्पादन गर्न थाल्यो र हाल आएर प्रतिदिन तीन हजार टन सिमेन्ट र १९ सय टन क्लिङ्कर उत्पादन गर्ने क्षमता वृद्धि गरेकोछ । 

हाल कम्पनीको सेयर पुँजी ३८७.२० करोड अर्थात ३ अर्ब ८७ करोड रहेको छ । आईपीओ जारी गरेपछिको कम्पनीको पुँजी ४ अर्ब ४० करोड पुग्नेछ । चैत मसान्तसम्म कम्पनीको जगेडा कोष २ अर्ब १६ करोड ४८ लाख रहेको छ । आईपीओपछि यसमा १ अर्ब ४९ करोड रुपियाँ थपिई ३ अर्ब ६५ करोड ४८ लाखको जगेडा कोष खडा हुने कम्पनिले बताएको छ । शिवमले चालु आर्थिक वर्षको चैतसम्म यो बढेर ७ अर्ब १० करोडभन्दा माथि पुग्ने दावी गरेकोछ । शिवमको बित्तीय पाटोलाई थप केलाउदा आर्थिक वर्ष २०७४–७५ मा ९३ करोड लाख रुपैयाँ खुद मुनाफा गरेको छ ।

त्यसो त यसको होङ्सी शिवम सिमेन्ट नवलपरासीमा पनि ३ अर्ब ३६ करोड रुपैयाँ लगानी देखिएको छ । यस उद्योगले पनि उत्पादन थालेको हुनाले लाभांशको रुपमा भविष्यमा राम्रो मुनाफा आर्जन गर्न सकिने देखिएको छ । होङ्सीले प्रतिदिन ६ हजार टन सिमेन्ट उत्पादनको क्षमता राख्छ । ठूलो लगानीमा सञ्चालित होङ्सीको प्रतिफल आउन भने ३–४ वर्ष अझै लाग्नेछ । 

Shivam Cement : A company Analysis is it worth to invest
15 Jul 2018

Shivam Cement : A company Analysis is it worth to invest

Link = nepsedirect.com

Shivam Cement : A company Analysis is it worth to invest

By: Mukunda Bhattarai Jul 20, 2018

 

Shivam Cement : A company Analysis is it worth to invest 

Government of Nepal minister of finance has made policy to encourage manufacturing and production sector for the issuances of shares to the general public. Government has made policy and if a production & manufacturing industry issue at least 10% of total capital to the general public that manufacturing organization will get 10% tax exemption for three years. In the current budget of government , government has made policy and all  companies which have paid-up capital more than 1 arba should issue IPO to general public.   Security board of Nepal is also giving more emphasis to  manufacturing and production sector. Since large portion of capital market is covered by banking and financial sectors market doesn’t seem realistic as per the economy of the country  so SEBON is encouraging manufacturing and production sector to issue IPO.

 Shareholder's Equity of Shivam Cement

The following figure shows the quantitative scenario of shivam cement. The following diagram shows current amount of reserve, share premium and paid up capital.

sales

Shivam cement has paid of capital of rs 3 arba 87 karod and 20 lakha right now. After the issue of 52 lakha 80 thousands IPO to locals and general public paid up capital will be increased by 13.64 % and new paid up capital will be RS. 4 thousands 4 hundred million (4 arba 40 karod ). But reserve won't be changed because of IPO issue. Shivam cement is going to issue IPO in premium price so there will be 1 arba 49 karod 60 lakha share premium amount will be added to the shareholder's equity. After the issue of IPO company's shareholders equity will be stronger than before.

The following diagram shows the condition of sales, expenses, stock and net profit of the shivam cement.

pie

 

The above diagram shows that company has lower operating expenses. The ratio of total operating ratio to sales is just 0.18745 times (18.75%).  The company has also maintained the good stock and this shows that company can earn good amount of profit in near future. Within this 3 rd quarter company has earned 93 karod 66 lakha 64 thousands two hundred 74 net profit. Company has 13.18 % net profit margin.

Key Indicators of Shivam Cement

In this part of the company analysis key indicators of companies are included. The data are shown in the following table:

S.N

Particulars

Amount (Rs)

1

EPS

32.25 ( annualized)

2

Net worth

Current

After IPO

155.91

183.2

3

Profit margin

13.18%

 

The above table shows that company has good earnings per share. After the IPO due to the increase in number of shares outstanding earning per share will be decreased to Rs.28.38. Net worth per share of company is Rs. 155.91 right now and after the IPO net worth will be increased by 17.51 %. 

While looking at the fundamental analysis of the company it can be a better choice to invest. It can be regarded as good option to add in your portfolio because there are few manufacturing companies listed in NEPSE. Government of Nepal is also giving tax exemption facility to manufacturing companies which has issued more than 10 % shares to the general public. So, we can except  more growth in net profit in coming years.

 

शिवम् सिमेन्ट साधारण शेयर जारी गर्ने पहिलो कम्पनी बन्दै-www.tukhabar.com
12 Jul 2018

शिवम् सिमेन्ट साधारण शेयर जारी गर्ने पहिलो कम्पनी बन्दै-www.tukhabar.com

Link = www.tukhabar.com

 

 

मकवानपुर, २७ असार । मकवानपुरको हटियामा उद्योग रहेको शिवम् सिमेन्टले सर्वसाधारणका लागि शेयर जारी गर्दैछ । नेपाल धितोपत्र बोर्डको अनुमतिपछि उद्योगले मकवानपुरवासीलाई प्रतिशेयर ३ सयका दरले शेयर जारी गर्न लागेको हो । मकवानपुरबाहिरका नागरिकको लागि भने प्रतिशेयर ४ सय पर्छ ।

 शिवम् सिमेन्ट लिमिटेड प्रिमियम मूल्यमा साधारण शेयर (आईपीओ) जारी गर्ने पहिलो कम्पनीका बन्ने भएको छ । शिवमले स्थानीयलाई प्राथमिकता दिने गरी उत्पादनमूलक सिमेन्ट उद्योगको इतिहासमा नै पहिलो पटक आईपीओ जारी गर्न लागेको हो ।

नेपाल धितोपत्र बोर्डले धितोपत्र दर्ता तथा निष्काशन नियमावली, २०७३ मा पुँजी बजारमा वास्तविक क्षेत्रका कम्पनीलाई प्रवेश गराउन जारी पुँजीको न्यूनतम १० प्रतिशतमात्र सार्वजनिक निष्काशन गरे पुग्ने र प्रिमियम मूल्यमा सार्वजनिक निष्काशन गर्न सकिने सहुलियतपूर्ण व्यवस्था गरेको छ । बोर्डको उक्त व्यवस्था पश्चात शिवमले अनूमति प्राप्त गरी आईपीओ जारी गर्न लागेको हो ।

शिवमले बोर्डको अनुमति प्राप्त गरेपछि कुल निष्काशनको २ प्रतिशतको दरले ८ लाख ८० हजार इकाई शेयर परियोजना प्रभावित स्थानीय मकवानपुर जिल्लाका बासिन्दाका लागि ३ सय रुपैयाँ र १० प्रतिशत अर्थात ४४ लाख इकाई शेयर सर्वसाधारणको लागि ४ सय रुपैयाँमा जारी गर्ने भएको हो । मकवानपुरका स्थानीयलाई प्राथमिकता दिइएकाले मकवानपुरवासीका लागि यो अवसरको कुरा भएको समेत कम्पनीले जनाएको छ ।

कम्पनीले प्रिमियमसहित कुल २ अर्ब २ करोड ४० लाख रुपैयाँ बराबरको आईपीओ जारी गर्नेछ । जसमध्ये सर्वसाधारणलाई १ अर्ब ७६ करोड तथा परियोजना प्रभावित स्थानीयको लागि २६ करोड ४० लाख रुपैयाँको आईपीओ बिक्री गर्नेछ ।

आईपीओ सर्वसाधारणका लागि भन्दा स्थानीयका लागि केहि सहुलियत मूल्यमा आउनेछ । आईपीओका लागि प्रिमियम मूल्यसहित सर्वसाधारणले ४ सय रुपैयाँ प्रतिकित्ता तिर्नु पर्ने छ भने स्थानीयबासीले ३ सय रुपैयाँमै पाउने भएका छन् ।

यसका लागि डिम्याट खाता  अनिवार्य नगरिएका कारण स्थानीयलाई थप सहज हुने देखिएको छ । शिवमको आईपीओ किन्न उपयुक्त छ भन्ने कुरा उसको वित्तीय अवस्था सबल हुनुले पनि पुष्टि गर्छ । कम्पनीको वित्तीय अवस्था सवल हुनुका साथै आगामी दिनमा आर्जन गर्ने प्रतिफलको सम्भावनामा एकदम राम्रो भएका कारण लगानीका लागि शिवम् उपयुक्त हुने देखिन्छ ।

शिवमले आर्थिक वर्ष २०७४–७५ मा ९३ करोड लाख रुपैयाँ खुद मुनाफा गरेको छ । चिनियाँ कम्पनी होङ्सीसँगको साझेदारीमा खोलेको होङ्सी शिवम सिमेन्ट नवलपरासीमा चैत्र मसान्तसम्म ३ अर्ब ३६ करोड रुपैयाँ उद्योगमा लगानी देखिएको छ । यस उद्योगले पनि उत्पादन थालेको हुनाले लाभांशको रुपमा भविष्यमा राम्रो मुनाफा आर्जन गर्न सकिने देखिएको छ ।

सन् २००३ मा स्थापना भएको शिवम् सिमेन्ट मुलत सिमेन्ट तथा क्लिंकर उत्पादन र बिक्री गर्ने गर्दछ । विभिन्न व्यावसायिक घराना गरी कुल २० जना व्यक्तिगत प्रमोटर रहेको यस कम्पनीको कारखाना मकवानपुर जिल्लाको हेटौंडा उपमहानगरपालिका हटियामा अवस्थित छ । कम्पनीद्वारा प्रकाशित वित्तीय विवरणअनुसार कम्पनीको दैनिक १९ सय टन क्लिंकर र ३ हजार टन सिमेन्ट ग्राइन्डिङ गर्न सक्ने क्षमता रहेको छ । कम्पनीको सहायक कम्पनी शिवम् होल्डिङ प्राइभेट लिमिटेडमा ८८ प्रतिशत शेयर लगानी रहेको छ ।

 

आईपीओको तयारीमा रहेको शिवम् सिमेन्टको वित्तीय स्थिति कस्तो छ ? (कम्पनी विश्लेषण) - www.aarthiknews.com
9 Jul 2018

आईपीओको तयारीमा रहेको शिवम् सिमेन्टको वित्तीय स्थिति कस्तो छ ? (कम्पनी विश्लेषण) - www.aarthiknews.com

Link =www.aarthiknews.com

आर्थिकन्यूज 
 
 
 
काठमाडौं, असार २१ । शिवम् सिमेन्ट लिमिटेडले प्रिमियम मूल्यमा आईपीओ जारी गर्ने पहिलो कम्पनी बनेर इतिहास बनाउन लागेको छ । नेपाली पुँंजी बजारको संरचनामा वित्तीय क्षेत्रकोे बाहुल्यता रहेको अवस्थामा यस कम्पनीको प्राथमिक निष्काशनबाट लगानीकर्ताले नौलो क्षेत्रमा लगानीको अवसर पाउनुको साथै अन्य उत्पादक क्षेत्रलाई पनि शेयर निष्काशनमा प्रेरणा तथा उदारहण बन्ने छ ।
 

नेपाल स्टक एक्सचेन्ज (नेप्से) मा सूचीकृत २०८ कम्पनीमध्ये, लगभग २० प्रतिशत कम्पनी वास्तविक क्षेत्रबाट मात्र छन् । नेपाल धितोपत्र बोर्डले धितोपत्र दर्ता तथा निष्काशन नियमावली, २०७३ मा पुँजी बजारमा वास्तविक क्षेत्रका कम्पनीलाई प्रवेश गराउन जारी पुँजीको न्यूनतम १० प्रतिशतमात्र सार्वजनिक निष्काशन गरे पुग्ने र प्रिमियम मूल्यमा सार्वजनिक निष्काशन गर्न सकिने सहुलियतपूर्ण व्यवस्था गरेपश्चात शिवम्ले आईपीओ जारी गर्न लागेको हो ।

बोर्डको अनुमति पश्चात कुल निष्काशनको २ प्रतिशतको दरले ८ लाख ८० हजार इकाई शेयर परियोजना प्रभावित स्थानीय मकवानपुर जिल्लाका बासिन्दाका लागि ३ सय रुपैयाँ र १० प्रतिशत अर्थात ४४ लाख इकाई शेयर सर्वसाधारणको लागि ४ सय रुपैयाँमा जारी गर्ने भएको हो ।

कम्पनीले प्रिमियमसहित कुल २ अर्ब २ करोड ४० लाख रुपैयाँ बराबरको आईपीओ जारी गर्नेछ । जसमध्ये सर्वसाधारणलाई १ अर्ब ७६ करोड तथा परियोजना प्रभावित स्थानीयको लागि २६ करोड ४० लाख रुपैयाँको आईपीओ बिक्री गर्नेछ । क्रेडिट रेटिङ गर्ने संस्था इक्रा नेपाल लिमिटेडले कम्पनीको शेयरलाई क्रेडिट रेटिङ ग्रेड थ्री प्लस प्रदान गरेको छ । सरकारले गत वर्ष बजेटको माध्यमबाट उत्पादनमुलक उद्योगका लागि १५ प्रतिशत आयकर छूट प्रदान गर्ने निर्णय गरेको थियो ।

सन् २०१८ र २०१९ को बजेटले वास्तविक सेक्टर कम्पनीहरूलाई १ अर्ब वा बढीको साथ शेयर बजारमा सूचीबद्ध गर्न प्रोत्साहित गरेको थियो । बोर्डले धितोपत्र दर्ता तथा निष्काशन नियमावली, २०७३ लागू गरी प्रिमियमसहितको मूल्यमा सार्वजनिक निष्काशन गर्न सकिने र जारी पुँजीको न्यूनतम १० प्रतिशतमात्र सार्वजनिक निष्काशन गरे पुग्ने सहुलियत दिएको थियो ।

कम्पनीको सञ्चालक समितिको अध्यक्षमा सुरेन्द्र कुमार गोयल रहेका छन् भने अन्य सञ्चालकहरूमा अमित मोर, सन्दीप कुमार शारदा, रघु नन्दन मारु र रोहित गुप्ता रहेका छन् ।

कम्पनी प्रोफाइल

सन् २००३ मा स्थापना भएको शिवम् सिमेन्ट मुलत सिमेन्ट तथा क्लिंकर उत्पादन र बिक्री गर्ने गर्दछ । विभिन्न व्यावसायिक घराना गरी कुल २० जना व्यक्तिगत प्रमोटर रहेको यस कम्पनीको कारखाना मकवानपुर जिल्लाको हेटौंडा उपमहानगरपालिका हटियामा अवस्थित छ । कम्पनीद्वारा प्रकाशित वित्तीय विवरणअनुसार कम्पनीको दैनिक १९ सय टन क्लिंकर र ३ हजार टन सिमेन्ट ग्राइन्डिङ गर्न सक्ने क्षमता रहेको छ । कम्पनीको सहायक कम्पनी शिवम् होल्डिङ प्राइभेट लिमिटेडमा ८८ प्रतिशत शेयर लगानी रहेको छ ।

शिवम् होल्डिङ प्राइभेट लिमिटेड र चीनको होङ्सी होल्डिङ समूहले नवलपरासीको सर्दीमा स्थापना गर्न लागेको होङ्सी शिवम् सिमेन्ट प्रालिमा शिवम् सिमेन्टको सहायक कम्पनी शिवम् होल्डिङ प्राइभेट लिमिटेडमार्फत नेपाली समूहको ३० प्रतिशत र होङ्सी होल्डिङ चिनियाँ समूहको ७० प्रतिशत लगानी रहेको छ ।

चार अर्ब लगानीमा सात वर्ष अघि स्थापना भएको शिवम्ले ‘शिवम सिमेन्ट’ ब्रान्डमा ओपीसी ४३ ग्रेड सिमेन्ट उत्पादन तथा बिक्री गर्दै आएको छ । पुँंजी, मानव संशाधन, उत्पादन प्रक्रियाहरू, इन्फ्रास्ट्रक्चरहरू आदिमा राम्रै लगानी गरेको कम्पनी सिमेन्ट निर्माण गर्ने नेपालको सबैभन्दा ठूलो मध्येको एक हो ।

हाल करिब एक हजार एक सय जना नेपाली कामदार कार्यरत तथा पाँच सय चिनियाँ नागरिक कार्यरत रहेको कम्पनीले नेपालीलाई चीनमा तालिमका लागि समेत पठाउने गरेको छ । दुई वर्ष अघिबाट निर्माण कार्य शुरु गरेको होङ्सी शिवम् सिमेन्टको निर्माण कार्य सम्पन्न भई उत्पादन समेत गरिसकेको छ । कारखानाका लागि आवश्यक पर्ने चुनढुंगा ल्याउन पाल्पाको भुकेटबाट विस्थापित भएका २६ घरपरिवारका लागि समेत कारखाना नजिकै सामूहिक आवास निर्माण गरिएको छ ।

सम्भावना तथा चुनौती

ओर्डिनरी पोर्टल्यान्ड सिमेन्ट (ओपीसी) संसारमा व्यापक रूपमा प्रयोग गरिएको मानिन्छ । ओपीसीलाई १९औं शताब्दीको शुरुमा बेलायतमा बनाइएको प्राकृतिक सिमेन्टबाट विकसित गरिएको थियो । सामान्यतया ओपीसी ग्रेडलाई ढलान र पीपीसी ग्रेडलाई प्लास्टर र स्केचको तथा भित्तामा प्रयोग गर्ने गरिन्छ । शिवम् सिमेन्टलाई राम्रो कम्पनी मानिनुको पछाडि प्रोफिट मार्जिन, हेरक वर्ष पुँंजी संरचनाको परिवर्तनले आर्थिक रुपमा सबल रहेको, लगातार हरेक वर्ष क्लिंकर तथा सिमेन्ट उत्पादनको क्षमता वृद्धि गर्दै लैजान् रहेको छ ।

त्यस्तै होंङ्सी शिवम् सिमेन्टको ग्रान्डिङ क्षमता र क्लिन्कर उत्पादन क्षमता प्रतिदिन ६ हजार टन हुनु तथा २६ प्रतिशतको लगानीले स्वतः नाफा आईरहनुले आगामी दिन पनि कम्पनी प्रगतिपथमा रहेको स्पस्ट गर्छ । प्रतिवेदनअनुसार मुलुकमा हरेक वर्ष सिमेन्टको माग बढेको देखिन्छ । यस कारणले पनि शिवम् सिमेन्ट आफंैमा रामो ब्रान्ड बनाउन सफल हुनु तथा अन्य सिमेन्ट भन्दा गुणस्तरीय रहेकाले छिटो समयमा राम्रो प्रतिफल दिने सम्भावना रहेको देखिन्छ ।

शिवम् सिमेन्टको शुरू संचालनको समयमा ग्रान्डिङ प्रतिदिन ७ सय टन क्षमताबाट आव २०१६ मा ५५ करोड थप लगानी गरी प्रतिदिन २३ सय टन पुर्याएको थियो । त्यस्तै २०१८ मार्चसम्म आउँदा ६५ करोड थप लागतमा प्रतिदिन ३ हजार टन पुगेको छ । सिमेन्ट बिक्रीतर्फ सन् २०१४ मा ६३ प्रतिशत बाट वृद्धि भएर सन् २०१५ मा ८३ प्रतिशतले बढेको थियो ।

सिमेन्ट उद्योगको संख्या वृद्धि हुँदा देखिएको उच्च प्रतिस्पर्धा, आयात गर्नुपर्ने कच्चा पदार्थ तथा चाहिने इन्धनमा हुने मूल्य उतार चढाव तथा वृद्धि र अर्थराजनीति तथा सरकारी नीतिको फितलोपन आदि कम्पनीका चुनौती रहेका छन् । अर्को चुनौती कम्पनी शतप्रतिशत सञ्चालनको लागि न्यूनतम् १२ मेगावाट विजुलीको आवश्यक छ । अहिले कम्पनी डिजेल तथा अन्य इन्धनको माध्यमबाट ९ मेगावाट उत्पादन गर्दै आएको छ । समय समयमा हुने गरेको अनियमित विजुली प्रवाहले लागत खर्च बढ्ने गरेको छ ।

वित्तीय विवरण

शिवम् सिमेन्टको चार वर्षको वित्तिय विवरण तथा चालू आवको तेस्रो त्रैमासको वित्तीय विवरण यस्तो छ ।

 

शिवम् सिमेन्टको चार वर्षको वित्तीय विवरणअनुसार आर्थिक वर्ष २०७०/७१ मा १ अर्ब २५ करोडको चुक्ता पुँजी रहेकोमा २०७३/७४ मा चुक्ता पुँजी औसत रुपमा ६० प्रतिशतले वृद्धि गरी २ अर्ब ५० करोड पुर्याएको देखिन्छ । चालू आवको तेस्रो त्रैमाससम्म चुक्ता पुँजी ३ अर्ब ८७ करोड रुपैयाँ पुर्याएको देखिन्छ । खुद मुनाफा हरेक त्रैमासमा वृद्धिको क्रम देखिएता पनि स्थिर भने देखिँदैन ।

कम्पनीले आव २०७१/७२ मा ४१ करोड नाफा गरेको देखिन्छ । त्यसपछिको क्रमशः दुई वर्ष ७७ करोड तथा ८१ करोड मुनाफा गर्न गरेको थियो । यस वर्ष तेस्रो त्रैमाससम्म कम्पनी ९३ करोड ६६ लाख रुपैयाँ नाफा गरेको छ । शिवम्ले आम्दानीमा गरेको वृद्धि र बिक्री लागतलाई सन्तुलित गर्न सफल भए पश्चात कुल आम्दानीमा वृद्धि हँुदै गएको देखिन्छ ।

चालू आवको तेस्रो त्रैमासम्म कुल आम्दानी ७१० करोड ९३ लाख तथा लागत खर्च ४५८ करोड ४९ लाख रुपैयाँ देखिएपश्चात कुल आम्दानी २ अर्ब ५२ करोड रुपैयाँ गर्न सफल भएको थियो । कुल खर्च हेर्दा आव २०७०/७१ मा ९५ करोड रुपैयाँ बढेर आव २०७३/७४को सम्म आइपुग्दा १ अर्ब ४२ करोड रुपैयाँसम्म पुगेको देखिन्छ ।

चालू आवको तेस्रो त्रैमाससम्म कुल खर्चको आकार १ अर्ब ३३ करोड रुपैयाँ रहेको छ । कम्पनीको चुक्ता पुँजी बढेको अनुपातमा नाफा वृद्धि नहुँदा प्रतिशेयर आम्दानी भने कहिले बढ्ने, कहिले घट्ने त कहिले स्थिर रहेको देखिन्छ । यसै अवधिमा कम्पनीले आफ्नो थप चुक्ता पुँजी र जगेडा मध्येबाटै सहायक कम्पनी शिवम् होल्डिङ प्राइभेट लिमिटेड मार्फत होंड्सी शिवम सिमेन्ट उद्योगमा ठूलो रकम ३ अर्ब ३६ करोड लगानी गरेको र सोको प्रतिफल यसै वर्ष प्राप्त नहुने हुँंदा उतारचढाव देखिएको हो ।

आर्थिक वर्ष २०७०/७१ मा ८ दशमलव ६५ रुपैयाँ रहेको प्रतिशेयर आम्दानी आव २०७१/७२ मा अत्याधिक वृद्धि गरी ३३ दशमलव २३ रुपैयाँ पुर्याएको छ । त्यस्तै आव २०७२/७३ मा १७ प्रतिशतले बढाएर ३८ रुपैयाँ ८९ पैसा पुर्याएको देखिन्छ । आर्थिक वर्षमा २०७३/७४ मा १७ प्रतिशतले घटेर ३२ दशमलव ४५ रुपैयाँमा झरेको छ । चालू आव २०७४/७५ को तेस्रो त्रैमासमा प्रतिशेयर आम्दानी १८ दशमलव १४ रुपैयाँ रहेको छ ।

चुक्ता पुँजीको वृद्धिको अनुपातमा कम्पनीले नाफा अनुपातमा भएको वृद्धिले प्रतिशेयर आम्दानी सन्तुलित देखिएको छ । आव २०७०/७१ मा प्रतिशेयर आम्दानी ८ रुपैयाँ ६५ पैसा रहेकोमा त्यसपछि ३ वर्षमा ३२ रुपैयाँबाट घटेको देखिँदैन । चालू आवको तेस्रो त्रैमासमा कम्पनी प्रतिशेयर आम्दानी ३२ रुपैयाँ २५ पैसा रहेको थियो ।

जगेडा कोषको आधारमा कम्पनीले आव २०७०/७१ मा नेगेटिभ रहेको जगेडा कोष २०७१/७२ मा २४ करोड ४५ लाख जगेडा सञ्चित थियो । आवमा २०७२/७३ मा २६४ प्रतिशतले वृद्धि गरी ८९ करोड ६ लाख रुपैयाँ जगेडा राखेको थियो । त्यस्तै आव २०७३/७४मा ६७ प्रतिशतले वृद्धि गरी १ अर्ब ४९ करोड १४ लाख रुपैयाँ जगेडा राखेको छ । चालू आव २०७४/७५ को तेस्रो त्रैमासमा २ अर्ब १६ करोड रुपैयाँको जगेडा सञ्चित रहेको छ ।